A SAÍDA DE "PONTES NAS ONDAS"

http://www.pontenasondas.org/index.php

http://www.pontenasondas.org/es/proyectos-pno/seccion-muestras-de-la-oralidad

GALEGO-PORTUGUÉS

O día 25 de novembro o alumnado de 5º e 6º tivo a oportunidade de participar nunha actividade de oralidade galego-portuguesa convidados por "Ponte Nas Ondas" Tiveron o gusto de cantar e bailar acompanando a Paco Nogueira... Estivo moi entretida a colecionista de libros portugueses que contaba unha historia. O alumnado comentou que, con ser en portugués se entendía bastante ben. Por último todos danzaron co grupo Migallas ao son de Pan de Millo.

O MAGOSTO

Que ledicia que chega o magosto. Para lembralo mellor recreamos a nosa imaxinación no porche do cole cunha velliña moi graciosa que coida o lume onde se asarán as castañas. SAbemos que estamos nun tempo onde lembramos os nosos ánimos cun peto de ánimas, e de todos é sabido que as castañas se relacionan coas ánimas nese tempo en que sempre é noite e é cando mais anda o moucho. Contámoslle aos nenos/as que é un colar de zonchos e enchemos os correodres con este obxecto. Pero o máis gracioso foron o castañeiro e a castañeira por onde pasaron tódolos nenos/as de infantil.Que guai estaban! Mais...non volo perdades tamen pasaron por alí moitos mestres/as a retratarse.

UN SAMAÍN DE MEEEEEDO!!

SAMAÍN - Movie Maker

OUTONO

Xá estamos no Outono. O ceo ás veces é gris, o sol dourado vello, os días curtos, as noites longas para soñar.

   Se reparamos ao redor de nos, atopamos arte, por exemplo neste tempo chaman a atención os petos de ánimas que a xente lles pon ofrendas.

   Como xa maduraron as cabazas, nos xogamos con elas e poñémoslle caras divertidas de medo.

   Pero tende coidado cos trasnos, trasgos e diaños, andan de noite a facer alloadas!!

UMMHHH QUE ACTIVIDADE MÁIS BONITA A DO VERBUM

VERBUM 2º E 3º DE E.P. - Movie Maker

SAÍDA AO VERBUM DE 2º E 3º DE PRIMARIA

   O 16 de outubro tivemos unha saída ao VERBUM, tratábase dunha representación do grupo Tanxarina.

Un grupo de actores con siluetas animadas contaban a historia de Roberto, un neno que se entera de que ao seu avó vanlle quitar a casa.

   O neno, moi preocupado pola situación do seu avó emprende a marcha na busca de solucións. Nesta busca atópase con difrentes personaxes cos que protagonizará divertidas aventuras.

   Finalmente coa axuda da xente coa que se vai atopando, impiden que o avó se quede sen casa e o celebren cunha marabillosa festa.

OPINIÓN:

   Gustounos moitísimo. Móstrase dunha maneira moi coidada unha realidade moi cruel que estamos vivindo na nosasociedade actual.

BENVIDOS O NOVO CURSO!!

   Ola compañeiros e compañeiras. Xa empezou un curso máis. Moito ánimo!

Este curso imos empezar por onde rematamos o ano pasado. Lembrades que acabamos escribindo LERIAS DO RÍA. Aquí as tedes. Os compañeiros maiores do "noso cole" van repartilas polo comercio local para que tódolos veciños/as saiban cousas bonitas que escribiron os "nosos escritores e escritoras". Así poderemos aproveitar todos e todas para aprendelos de memoria.

Que vos parece?

BENVIDOS O NOVO CUUUURSO!!

LERIAS DO RÍA - Movie Maker

PONTE NAS ONDAS

Os alumn@s do colexio fomos ao Cuvi en representación do noso cole para falar das nosas tradicións.Os nosos compañeir@s seguíronnos dende o cole con moita atención. Falamos do San Xoán,dos Maios e da Santa Compaña

Os maios

E chegaron os maios...

O xoves 16 de maio, os alumnos de 3º foron facer unha visita ao centro de día "Parque Castrelos".

Iban che@s de ilusión, como agasallo aos nosos maiores, levabaron os adornos para o cabelo, feitos con flores naturais e tamén un ramo de flores cadanseu para adornar aquel maio que ian compartir entre todos.

Á súa chegada, dispuxéronse en distintas mesas cos maiores e fixeron enormes colares de flores amarelas para pór arredor do maio.Os maiores axudáron na medida do posible. Entre todos coseron moitísimos colares!

Despois colocron o maio no medio de todos e, un por un, fóronlle colocando tódolos adornos que tiñan pensado, pero...non volo perdades: os nosos maiores tamén quixeron que lle colocaran adornos no cabelo! na lapela!

Cando xa tiveron o maio,cantaron arredor del e recitaron coplas como a seguinte, creada pola súa titora Carmen:

VIMOS DENDE O RÍA

HOXE E OUTRO DÍA

COAS COPLAS DOS MAIOS

PARA OS NOSOS AVÓS.

UN DÍA PINTAMOS

MOITOS RETRATOS

HOXE RIMAMOS

PERANTE UN RATO

FACEMOS UN MAIO

NO VOSO PATIO

CANTÉMOSLLE LOGO

O QUE FIXEMOS TODOS.

ESTE É O MAIO

 O MAIÑO É

ES O MAIÑO É

QUE DURME DE PÉ.

FACEMOS UN MAIO

TRAÉMOSLLE FLORES

NON TEÑAS DESMAIO

NIN TAMPOUCO CHORES.

ESTE É O MAIO

DE FLORES CUBERTO

PUÑÉMONOS Á PORTA

PEDINDO OS NENOS

Máis tarde, noutra sala, deixáronlle un deseño do maio a cadanseu. A eles encantoulle ver aos nen@s deseñando para eles.

Todos o fixeron de grande gusto... agás alguén que ficou despistado lendo o xornal.

Sabedes que nos dixeron? Que querían vir vernos ao cole! Nós dixémoslle que sí!
Qué vos parece?

Celebración do Día da Paz

... e por fin puidemos xuntarnos para celebrar o Día da Paz!!!

O día 11 de abril do 2014 recibimos no Ría de Vigo aos compañeiros/as do “cole” Alfonso Rodríguez Castelao co gallo de celebrar o día da Paz entrambolos dous. Esta actividade estaba programada para o 30 de xaneiro mais debido ao mal tempo que nos acompañou  foi posposta ata este día.

Cando chegaron os compañeiros do Alfonso Rodríguez Castelao saimos a recibilos na parte traseira do cole.

 Despois  dirixímonos ao ximnasio para agasallalos coa representación musicada do Guernica de Picasso.

A continuación situámonos todos no patio para facer xuntos o baile  inicial da xuntanza.

 

 Ao rematar, organizámonos para participar nos distintos xogos cooperativos preparados para a ocasión.

 Cando chegou a hora do recreo xuntamos cursos de igual nivel e fixemos xuntar ás parellas que se cartearon  previmente ao Día da Paz e xuntos tomamos a merenda.

Chegou o momento de reunirnos outra vez todos para soltar “as pombas da Paz". Ao fin tivemos un intercambio de agasallos que nos valeu como despedida.

As Letras Galegas ao longo da historia

Pensábades que a conmemoración do día das Letras Galegas era recente? Nada máis lonxe da realidade amigos!

Este día adicado á nosa literatura vense celebrando dende o ano 1963, cando se lle adicou por primeira vez a Rosalía de Castro.

Se premedes na imaxe, poderedes ver a quen se lle adicaron as Letras Galegas cada ano, e mais o lugar de nacemento de cada un deles no mapa!

Este ano 2014, o 17 de maio será adicado a Xosé María Díaz Castro. Para máis información sobre o autor, podedes visitar a súa páxina oficial:

o espazo que a Secretaría Xeral de Política Lingüística da Xunta lle adica:

e a páxina oficial do Día das Letras Galegas:

Actividade SNL

Ola a todos!

Tivemos a sorte de que nos foi concedida unha actividade do SNL do Concello de Vigo. Nela participou o curso de 4º de Primaria.

Tratábase de dar un paseo por Vigo para coñecer os lugares máis emblemáticos a traveso dun xogo da OCA. Os alumnos/as estiveron moi atentos. Participaron ademais con sopas de letras, encrucillados, etc.

Que divertidos eran os monitores! Deunos mágoa que se foran tan pronto...

Ata a próxima!!!

Entroido 2014

E por fin chegou o día...!

O pasado venres 28 de febreiro celebramos o Entroido, esa tradicional festa tan arraigada na nosa terra.

Todo o colexio, dende os máis pequenos ata os maiores, saíu ao patio a festexar. Tras unha semana cumprindo as ordes do Meco xa tiñamos gañas de poder lucir os nosos traxes. Todos eles estaban baseados no proxecto do centro: "Lendo con arte".

Así, os rapaces/as de Educación Infantil rendiron homenaxe a Van Gogh, con disfraces inspirados na "Noite estrelada", "Os xirasois" e vestidos de pintores. 

O primeiro ciclo de EP centrouse en Velázquez, con traxes que emulaban ao pintor e ás famosas Meninas. 

Segundo ciclo foi de 'autorretratos', cun marco ao redor da cara elaborado por eles mesmos. 

Finalmente, os alumnos/as do terceiro ciclo luciu os modelos da época de Monet e tamén de Picasso.







Un gran día para todos!!!!