18 de maio de 2022

Activismo toponímico

 Ao longo do mes de maio iniciamos o proxecto "Activismo toponímico" encamiñado a, que do mesmo xeito que fixo Florencio Delgado co seu Valdeorras natal, o noso alumnado tomara conciencia do grande patrimonio toponímico que temos na nosa zona e que, por desgraza está caendo en desuso.

Nun primeiro lugar animamos ao alumnado a que investigase nas súas casas nomes de terreos familiares e que os recollesen nun documento-rexistro no que ademais figurase a súa xeolocalización. No momento de realizar esta publicación levamos recollidos uns 70 microtopónimos dos barrios de San Miguel de Oia, Saiáns e Coruxo. e o proceso esta aberto. De feito, a actividade de realizar un mapa dixital a partir da información recollid a a sí como o volcado da mesma na plataforma "Galicia nomeada" vai ser posposta para o vindeiro curso. Está actividade está sendo realizada no IES Coruxo xa que é un proxecto conxunto entre os EDLG de ámbolos Centros .

Como complemento ao referenciado anteriormente, no colexio decidimos dar luz aos topónimos recollidos presentándoos en camisetas pintadas polo alumnado baixo o lema "Un lugar, un nome". Quedaron moi xeitosas!!!!!

A todo isto, grazas a esta actividade fomos quen de recuperar o microtopónimo das leiras nas que, hai xa 50 anos foi edificado o noso cole. Sabedes cal é? Mirade que chulo!!! CHANDALVA

Poesía-Letras galegas 2022

 O venres 13 de maio, como anticipo do Día das Letras Galegas, o alumnado de 6º curso participou no IES Coruxo nun acto a prol da paz e da concienciación sobre a importancia da música nas nosas vidas. Para iso, nun recreo e para toda a comunidade do IES, alumnado de 3º da ESO interpretou o Chote de Leirado e a aula de 6º curso do CEIP Ría de Vigo interpretou o Imagine. Todo isto como prólogo ao que viría a continuación e que queda recollido neste vídeo. 

Nun principio tiñamos programada esta actividade para celebrar o Día da Poesía na Vila Romana de Toralla en marzo pero non o puidemos realizar debido as choivas que nos acompañaban neses días. Decidimos entón aunar esa celebración coa
das Letras Galegas, xuntando entón a poesía coa figura de Florencio Delgado Gurriarán. Houbo de todo: "Adios ríos, adios fontes" en versión musical, recital poético-musical por parte das rapazas e rapaces do IES, obradoiro de creación poética a partir da información en relacion aos restos romanos aportada por un técnico de Patrimonio Histórico do Concello de Vigo e interpretación músico-poética colectiva do "Vento do norte" de Florencio Delgado.

Unha xornada para non esquecer

18 de marzo de 2022

Día da poesía 2022

 Nestas últimas datas, en coordinación do IES Coruxo, estamos artellando a realización dun obradoiro de creación e recitado poético.

Todo estaba preparado para que a aula de 6º de primaria se desprazara ata o IES o 21 de marzo pero, unha vez analizada a previsión metereolóxica, vémonos na obriga de adiar esta experiencia.

Poderedes pensar que somos moi esaxerados por cancelar a actividade a causa de que poida chover un pouquiño; "total, dentro do IES non chove!".

O asunto é que, en parte, teriades moita razón. Efectivamente, para interpretar o Imagine e o Chote de Leirado no patio central do IES non habería problema. O preocupante é que, unha vez realizada esta primeira parte, tiñamos pensado desprazarnos en compaña dunha aula e 3º da ESO ata a Vila Romana de Toralla para realizar o obradoiro de creación poética e, nese caso, a choiva si que pode estropear todo.

De todos xeitos, como xa dixemos, somentes se trata de ter un pouquiño de paciencia xa que haberá oportunidade de realizala,; iso si, á volta se Semana Santa xa que a organización dun centro escolar é complicada. Neste caso, aínda peor o temos xa que somos dous a pornos dacordo e a realización de exames e outras actividades programadas anteriormente así o esixen.

Chegado o momento teredes información sobre o acontecido ao redor deste proxecto 

 

Evento: Día Mundial de la Poesía | Cultura de Galicia

14 de marzo de 2022

Celebración do Día de Rosalia

O 24 de febreiro, día no que o meco deu orde de acudir ao colexio preparados como para ir á praia, sumámonos á celebración do Día de Rosalia, festa que para nós tivo un doble valor xa que, por un lado, desfrutamos de sumerxirnos na figura e obra de Rosalía e, por outra banda, foi considerada a ocasión para, despois de dous anos, realizar un acto coa participación activa conxunta de alumnado de diferentes cursos; iso si, mantendo todas as medidas de seguridade para combater o contaxio do Covid-19.


Foi moito o traballo realizado a nivel de aulas e foi moito o desfrute que compartiu alumnado e profesorado no acto central da celebración.

Lectura do manifesto elaborado polo alumnado de 6º curso e interpretación do "Adios rios, adios fontes" a cargo dunha representación de alumnado de 4º e 5º cursos de primaria e a aula de 6º curso. 

Acá deixamos unha mostra do vivido neste vídeo

 

 Cabanas chama a caracterizarse de Rosalía para conmemorar o Día de Rosalía  – Galicia Ártabra Digital

Desfrutando do realizado ata o momento

 Moi boas.... Despois duns meses de inactividade neste Blogue, abrimos de novo esta porta dispostos a compartir co mundo o noso traballo ao redor do fomento do noso idioma no noso colexio. 

Posto en marcha este curso escolar 21/22 xa houbo cantidade de momentos nos que, fóra do habitual, o idioma e a cultura galega tiveron unha presenza moi destacada e, a partires de agora, ven a traca final!!!!!

O EDLG do Ría de Vigo non para e, nas vindeiras entradas deste blogue darédevos conta de por que o dicimos.

30 de xuño de 2021

LETRAS GALEGAS VII DígochoEu

Metidos e metidas en "fariña", por si era pouco, decidimos realizar unha actividade ao redor das Letras Galegas. Para iso ás pedimos ás diferentes aulas do colexio a preparación dun guión e posterior grabación do mesmo ao estilo do “DígochoEu” presentado por Esther Estévez na TVG e seguido por un bo número de rapaces e rapazas. A proposta pasaba por tratar aspectos xerais en canto á lingua galega tales como: “palabras con “x” de Xela”, “co galego enténdeste en moitos lugares fóra de Galicia”, “toponimia local”, ” palabras e expresións propias da nosa zona”, ….,.

A proposta foi asumida pola totalidade de profesorado  e queda recollido neste vídeo


LETRAS GALEGAS VI Impresión camisetas "Eii!! Fálame sempre!!!"

 

Tal e como vimos facendo nos últimos anos, no colexio levamos adiante un obradoiro de impresión de camisetas na que participa a totalidade de alumnado. Realizamos unha modificación ao previsto inicialmente xa que pretendemos dar unha mensaxe máis directa en canto ao uso do idiomagalego tomando entón como lema a expresión “Eiii!! Fálame sempre!!”

  

  

 

A diferenza de cursos pasados, coa intención de evitar na medida do posible a manipulación de materiais, encargamos camisetas parcialmente impresas para que o alumnado somentes pintase a franxa azul coa que contan.