Celebración do Día da Paz

... e por fin puidemos xuntarnos para celebrar o Día da Paz!!!

O día 11 de abril do 2014 recibimos no Ría de Vigo aos compañeiros/as do “cole” Alfonso Rodríguez Castelao co gallo de celebrar o día da Paz entrambolos dous. Esta actividade estaba programada para o 30 de xaneiro mais debido ao mal tempo que nos acompañou  foi posposta ata este día.

Cando chegaron os compañeiros do Alfonso Rodríguez Castelao saimos a recibilos na parte traseira do cole.

 Despois  dirixímonos ao ximnasio para agasallalos coa representación musicada do Guernica de Picasso.

A continuación situámonos todos no patio para facer xuntos o baile  inicial da xuntanza.

 

 Ao rematar, organizámonos para participar nos distintos xogos cooperativos preparados para a ocasión.

 Cando chegou a hora do recreo xuntamos cursos de igual nivel e fixemos xuntar ás parellas que se cartearon  previmente ao Día da Paz e xuntos tomamos a merenda.

Chegou o momento de reunirnos outra vez todos para soltar “as pombas da Paz". Ao fin tivemos un intercambio de agasallos que nos valeu como despedida.

As Letras Galegas ao longo da historia

Pensábades que a conmemoración do día das Letras Galegas era recente? Nada máis lonxe da realidade amigos!

Este día adicado á nosa literatura vense celebrando dende o ano 1963, cando se lle adicou por primeira vez a Rosalía de Castro.

Se premedes na imaxe, poderedes ver a quen se lle adicaron as Letras Galegas cada ano, e mais o lugar de nacemento de cada un deles no mapa!

Este ano 2014, o 17 de maio será adicado a Xosé María Díaz Castro. Para máis información sobre o autor, podedes visitar a súa páxina oficial:

o espazo que a Secretaría Xeral de Política Lingüística da Xunta lle adica:

e a páxina oficial do Día das Letras Galegas:

Actividade SNL

Ola a todos!

Tivemos a sorte de que nos foi concedida unha actividade do SNL do Concello de Vigo. Nela participou o curso de 4º de Primaria.

Tratábase de dar un paseo por Vigo para coñecer os lugares máis emblemáticos a traveso dun xogo da OCA. Os alumnos/as estiveron moi atentos. Participaron ademais con sopas de letras, encrucillados, etc.

Que divertidos eran os monitores! Deunos mágoa que se foran tan pronto...

Ata a próxima!!!

Entroido 2014

E por fin chegou o día...!

O pasado venres 28 de febreiro celebramos o Entroido, esa tradicional festa tan arraigada na nosa terra.

Todo o colexio, dende os máis pequenos ata os maiores, saíu ao patio a festexar. Tras unha semana cumprindo as ordes do Meco xa tiñamos gañas de poder lucir os nosos traxes. Todos eles estaban baseados no proxecto do centro: "Lendo con arte".

Así, os rapaces/as de Educación Infantil rendiron homenaxe a Van Gogh, con disfraces inspirados na "Noite estrelada", "Os xirasois" e vestidos de pintores. 

O primeiro ciclo de EP centrouse en Velázquez, con traxes que emulaban ao pintor e ás famosas Meninas. 

Segundo ciclo foi de 'autorretratos', cun marco ao redor da cara elaborado por eles mesmos. 

Finalmente, os alumnos/as do terceiro ciclo luciu os modelos da época de Monet e tamén de Picasso.







Un gran día para todos!!!!

Celebración Día da Paz

O día 30 de xaneiro celébrase a PAZ. Nós temos artellado un intercambio co CEIP Castelao. Tódolos alumnos e alumnas do centro visitarán o Ría de Vigo, onde os recibiremos cunha representación musicada do cadro Guernica, de Pablo Picasso, para a continuación pasar a mañá no patio, onde compartiremos 25 xogos cooperativos, que todos desfrutamos a reo.

Tamén aproveitamos para que os alumnos dos dous centros que se corresponderon por correo escrito se coñezan en persoa mentres comparten unha merenda ao aire libre e comproban que as descricións que recibiron se corresponden coa realidade ;)

               

Tan só agardamos que o tempo nos deixe celebrar tan esperado día!

Cánto sabes sobre o ENTROIDO?

Xa está chegando o Entroido!

Todos e todas estamos a traballar cos disfraces, investigando sobre os nosos costumes... preparando o Entroido. Queremos compartir os seguintes enlaces para que poidades aprender máis sobre esta festa tradicional e pasedes un bo rato cos distintos xogos, manualidades e actividades propostas.

Preme na imaxe

Preme na imaxe

Día de Rosalía

Bos días!! Onte, 24 de febreiro, celebramos o Día de Rosalía no cole. Para nós foi unha figura moi importante porque deu o paso de escribir en galego tralos Séculos Escuros (s.XVI, XVII e XVIII).

 Onte, para conmemorar este día, visitounos Pedro Feijóo, exalumno do noso cole. Escribiu dous libros, o segundo está baseado nos poemas de Rosalía de Castro, por iso nos visitou.

Contoulles aos alumnos de 3º, 4º, 5º e 6º de Primaria sobre o seu traballo de investigación sobre a autora. Aos nenos e nenas parecéronlles moi interesantes as anécdotas de Rosalía (o seu pai, os seus fillos, etc.). Tamén racitaron algúns poemas que o escritor escolleu para a ocasión, mostrando así esoutro lado de Rosalía que non coñecían.

A continuación deixamos uns enlaces para que poidades xogar e aprender un pouco máis sobre a nosa escritora:

http://vagalumecouto.blogspot.com.es/2012/09/rosalia-de-castro.html

http://caracolatola.blogspot.com.es/2012/01/rosalia-de-castro-actividade-lim.html

E rematamos cunha das súas poesías máis coñecidas, e o vídeo da poesía con música:

NEGRA SOMBRA

Cando penso que te fuches,

negra sombra que me asombras,

ó pé dos meus cabezales tornas facéndome mofa.

Cando maxino que es ida,

no mesmo sol te me amostras,

i eres a estrela que brila,

i eres o vento que zoa.

Si cantan, es ti que cantas,

se choran, es ti que choras,

i es o marmurio do río

i es a noite i es a aurora.

En todo estás e ti es todo,

pra min i en min mesma moras,

nin me abandonarás nunca,

sombra que semmpre me asombras.

Rosalía de Castro

Estade moi atentos ao blogue, pronto subiremos outra versión musicada dos poemas de Rosalía, a cargo duns músicos moi especiais...