Por primeira vez traballamos nas aulas de
Ed. Primaria sobre o concepto de Violencia de Xénero de xeito conxunto e coordinado e, ademais, apoiando a IXornada de Igualdade Ría de Vigo organizada pola ANPA do cole.
Para iso, partimos da análise de citas referentes a este tema realizadas por persoas relevantes. Parte destas referencias foron aportadas por Romina Goberna, relatora da I Xornada de Igualdade Ría de Vigo e nai de dous alumnos do colexio.
A partir da análise destas citas o alumnado elaborou uns carteis para ser colocados nos chanzos das escadas de acceso ás aulas do colexio. Houbo rapazas e rapaces que elaboraron estes carteis con lemas creados por eles mesmos
Por outro lado,na aula de 5º curso traballouse a poesía “Soía pechar as portas” escrita pola ex-alumna Aitana Martínez hai dous anos para ser cantada na producción operística en relación ao Proxecto LÖVA. Con esta poesía elaborouse unha cartela para expor no recibidor da escola.
.
Ningún comentario:
Publicar un comentario